'S e seo a' chiad chruinneachadh de na sgeulachdan goirid aig Maoilios Caimbeul, a tha a' sìneadh gu iomadh àite, bho Pharis gu Ierusalem, bho Nis gu Henley-on-Thames.

Tha feadhainn dhiubh èibhinn agus feadhainn eile

nas doimhne agus tha iad a' dol air ais agus air adhart ann an tìm. Coinnichidh sinn ri teaghlach a chaidh a losgadh a-mach às an dachaigh aca ann am Bad an Loisgein anns an 19mh linn agus ri Cindy agus Dez a shiubhail gu Màrs agus air ais. Coinnichidh sinn ri Tim, am feòil-sheachnair à Glaschu agus ris an Urramach Bhaltair MacAnndrais agus am mèirleach a thug dùbhlan dha air an trèan.

Tha an saoghal os-nàdarra a' suathadh ri ceithir de na sgeulachdan. Cruinneachadh tlachdmhor a bhios na adhbhar gàire agus na adhbhar smaoineachaidh don leughadair.